Evində tiryəkxana aşkarlandı

Daxili İşlər Nazirliyi (DİN) Baş Narkotiklərlə Mübarizə İdarəsinin cənub bölgəsi üzrə regional şöbəsinin əməkdaşlarının həyata keçirdikləri əməliyyat-axtarış tədbirləri nəticəsində Lənkəran şəhər sakini, əvvəllər məhkum olunmuş Zaur Əliyevin evində tiryəkxana aşkar edilib. 

Polis işçiləri ev sahibi ilə yanaşı, daha 5 narkotik istifadəçisini - 45 yaşlı Mahir Sadıqovu, 42 yaşlı Elçin Abdullayevi, 47 yaşlı İbad Əliyevi, 63 yaşlı Sadiq Məmmədovu və 43 yaşlı Cavid Tağıyevi saxlayıblar.

Evə baxış zamanı 8 bükümdə narkotik vasitə olan tiryək, 41 bükümdə heroin, narkotik vasitə doldurulmuş iki iynə, iki elektron tərəzi, narkotik məhlulların hazırlanmasında istifadə olunan ləvazimatlar və s. aşkar edilərək götürülüb.

Faktla bağlı araşdırmalar aparılır. (AzərTAc)

Ölkə.Az