Samuxda həmkəndlisini bıçaqlayan qaçdı
Samuxda bıçaqlanma hadisəsi baş verib.
Ötən gün axşam saatlarında Samux rayonunun Kolayır kəndində 1984-cü il təvəllüdlü Məzahir Hüseynov mübahisə zamanı həmkəndlisi tərəfindən bıçaqlanıb.
Yaxınlarının köməyi ilə Gəncə şəhər TTYX-ya çatdırılan yaralıya qarın nahiyəsinin kəsilmiş-deşilmiş yarası diaqnozu qoyulub.
Əməliyyat olunan yaralının vəziyyətinin orta ağır olduğu bildirilir.
Faktla bağlı cinayət işi açılıb, cinayəti törədənin saxlanılması istiqamətində axtarışlara başlanılıb. (ans)
Ölkə.Az
