Bakıda valyutadəyişmə məntəqəsinə basqın

Külli miqdarda dollar oğurlandı.

Bu gün səhər saatlarında Bakının mərkəzində yerləşən valyutadəyişmə məntəqələrindən birinə basqın olub.

Ölkə.Az Lent.az-a istinadən xəbər verir ki, naməlum şəxslər Nəsimi rayonu Azadlıq prospekti 128 ünvanında “ZaminBANK”a məxsus olan 3 saylı valyutadəyişmə məntəqəsinə basqın edib.

Onlar məntəqənin əməkdaşı, 1964-cü il təvəllüdlü Abbasov Taryel Arif oğluna küt alətlə ağır bədən xəsarətləri yetiriblər. Məntəqədən 120 min dollar və 20 min manat nəğd pulu götürən şəxslər uzaqlaşıblar.

T.Abbasov Kliniki Tibbi Mərkəzə yerləşdirilib.

Faktl bağlı cinayət işi açılıb, araşdırmalar aparılır.

Ölkə.Az