Polis bölməsində baş leytenantı döydülər

Əkbərov DİN-in Hospitalına müraciət edib.

Nəsimi Rayon Polis İdarəsində saxlanılan şəxslərlə polis arasında dava düşüb.

Ölkə.Az xəbər verir ki, qafqazinfo-nun verdiyi xəbərə görə, hadisə Nəsimi RPİ-nin İstintaq Şöbəsinin müstəntiqi polis baş leytenantı Miraqil Qiyasovun xidməti otağında dindirmə zamanı baş verib.

Narkotik vasitələrin daşınması və satılmasında təqsirli bilinən Bakı şəhər sakini, əvvəllər məhkum olunan 1991-ci il təvəllüdlü Şəfa İsmayılov saxlanılıb.

Onun barəsində olan Cinayət İşi üzrə dindirilmə zamanı 22-ci Polis Bölməsinin əməliyyat müvəkkili polis baş leytenantı 1990-cı il təvəllüdlü Sehran Əkbərovu söyərək yumruqla sifətinə vurub.

Bundan sonra saxlanılan şəxslə polis baş leytenantı dava edib.

Nəticədə hər ikisi xəsarət alıb. S.Əkbərov DİN-in Hospitalına müraciət edib.

Ölkə.Az