Bakıda güclü yanğın: 30 nəfər təxliyyə olunub

Hadisə yerinə dərhal FHN yanğından mühafizə xidmətinin əməkdaşları gəliblər.

Səbail rayonunda üçmərtəbəli yaşayış binasında yanğın baş verib.

FHN-dən Ölkə.Az-a verilən məlumata görə, yanğın binanın 2-ci mərtəbəsində başlayıb.

Hadisə yerinə dərhal FHN yanğından mühafizə xidmətinin əməkdaşları gəliblər. Yanğın zamanı binadan 30 nəfər sakin yanğınsöndürənlər tərəfindən təhlükəsiz yerə təxliyyə olunub. Yanğın söndürülüb və alovun qonşu mənzillər keçməsinin qarşı alınıb.

Hadisə nəticəsində iki mənzilin yanar konstruksiyaları yansa da, xəsarət alan olmayıb.

Hazırda yanğının baş vermə səbəbləri araşdırılır.

Ölkə.Az