Kürdəmirdə 5 otaqlı ev yandı

Kürdəmir və Neftçala rayonalrında yanğın hadisəsi qeydə alınıb.

Ölkə.Az-ın Fövqəladə Hallar Nazirliyinin saytına istinadən verdiyi məlumata görə, Kürdəmir rayonu, Pirəköçə kəndində vətandaşa məxsus ümumi sahəsi 300 kv.m olan kürsülü, birmərtəbəli 5 otaqlı evin (dam örtüyü qamışdan ibarət) yanar konstruksiyaları və ev əşyaları yanıb. Yaxınlıqdakı tikililər yanğından mühafizə olunub.

Digər bir yanğın isə Neftçala rayonunda baş verib. Rayonun Şorkənd kəndində "Azərenerji" ASC-yə məxsus 35/10 saylı yarımstansiyada gücü 10 kVt olan trasformatorun yanar hissələri yanıb. Yarımstansiyada olan digər transformator yanğından mühafizə olunub.

Hər iki hadisənin yanğınsöndürənlər tərəfindən qarşısı alınıb.

Ölkə.Az