Cəlilabad polisi narkotik alverçilərini iş başında yaxalayıb

Saxlanılanlardan birinin qəzetlərdən birində rəhbər vəzifədə çalışdığı məlum olub.

Cəlilabad polisinin keçirdiyi əməliyyat zamanı narkotik vasitələrin qanunsuz satışı ilə məşğul olan iki nəfər saxlanılıb. Əslən Zəngilan rayonundan olan Bakı şəhərində məskunlaşmış 22 yaşlı Xanış Əli oğlu Qasımov Bakı şəhər sakini 37 yaşlı Səbuhi Allahyar oğlu Ağalarov ilə əvvəlcədən əlbir olaraq 4 kq- dan çox çəkisi olan narkotik maddəni əvvəlcədən gizlədildiyi yerdən götürərkən polis tərəfindən yaxalanıblar. Saxlanılan Xanış Qasımovun sözlərinə görə, onlar narkotik maddəni İranda tanış olduğu şəxs vasitəsi ilə əldə edib. Belə ki, İrandan edilən zənglə ona bildirilib ki, Ələt Astara magistralının Cəlilabad rayonunun Qarazəncir kəndindən keçən hissəsində yol kənarında gizlədilmiş narkotik vasitəni götürüb lazım olan ünvana çatdıracağı təqdirdə ona 1500 manat pul ödəniləcək.

Saxlanılanlardan Səbuhi Ağalarov qəzetlərin birində şöbə müdiri vəzifəsində çalışırmış. Hazırda faktla bağlı Cinayət Məcəlləsinin müvafiq maddəsi ilə cinayət işi başlanıb. İstintaq davam edir.(Region TV)

Ölkə.Az