Bakıda 5 yol polisi sürücünü döyüb

Bakıda sürücü yol polisi əməkdaşları tərəfindən döyülməsi haqda polis bölməsinə müraciət edib.

Ölkə.Az-ın Qafqazinfo-ya istinadən əldə etdiyi məlumata görə, hadisə Nizami rayonu ərazisində qeydə alınıb.

Salyan rayon sakini 1982-ci il təvəllüdlü Abbas Qafarov bildirib ki, martın 28-də saat 03 radələrində H.Əliyev prospektində idarə etdiyi Tofaş markalı 10 RG 430 nömrəli avtomobili nömrəsini bilmədiyi iki YPX avtomobili təqib edib.

Buna görə də sürücü idarəetməni itirərək maşını səkiyə vurub. Sonra həmin polis avtomobillərindən düşən 5 nəfər YPX əməkdaşı onu döyüblər.

A.Qafarov xəstəxanada tibbi yardım alıb evə buraxılıb.

Faktla bağlı araşdırma aparılır.

Ölkə.Az