MTN-nin polkovnik-leytenantı özünü binadan atdı
Bu gün günortaya yaxın MTN-nin əməkdaşı Bakının Nərimanov rayonunda, Həsənoğlu küçəsində yerləşən çoxmərtəbəli binadan özünü ataraq, faciəli şəkildə dünyasını dəyişib.
Azər adlı 35-37 yaşlarında olan şəxs MTN-nin baş idarəsində məsul vəzifədə imiş. Onun intihar etdiyi, yaxud kiminsə tərəfindən öldürülməsi faktı araşdırılır. Ölüm faktı ilə bağlı cinayət işi açılıb, istintaq davam edir.
...
Bakıda Milli Təhlükəsizlik Nazirliyinin (MTN) zabitinin ölümü ilə əlaqədar cinayət işi başlanıb.
Trend-in sorğusuna cavab olaraq Baş Prokurorluğun mətbuat xidmətinin rəhbəri Eldar Sultanov bildirib ki, aprelin 8-də səhər saat 10 radələrində Bakının Nərimanov rayon sakini Azər Əliyev yaşadığı Həsənoğlu küçəsi, 6 ünvanında çoxmərtəbəli binanın 7-ci mərtəbəsindən yıxılaraq ölüb.
Faktla bağlı Nərimanov rayon prokurorluğunda Cinayət Məcəlləsinin 125-ci (Özünü öldürmə həddinə çatdırma) maddəsi ilə cinayət işi başlanıb, ölümün səbəblərinin müəyyənləşdirilməsi məqsədilə məhkəmə-tibbi ekspertizası təyin edilib.
İş üzrə istintaq tədbirləri davam etdirilir.
Araşdırmalar nəticəsində ölən şəxsin kimliyi müəyyən edilib. O, MTN-in zabiti, polkovnik-leytenant Azər Əliyevdir.
Ölkə.Az
