Pakistanda fəhlələrin çadırına hücum olundu
Pakistanda növbəti hücum.
Ölkə.Az "Anadolu" agentliyinə istinadla xəbər verir ki, Pakistanın Bəlucistan əyalətində inşaatda çalışan fəhlələrin qaldığı çadırlara təşkil edilən silahlı hücumda 20 nəfər ölüb..
Turbat bölgəsini polis səlahiyyətlisi Mumtaz Əlinin verdiyi məlumatlara görə, anbar layihəsinin işçilərin qaldığı çadırlara səhər vaxtı şəxsiyyəti hələ bilinməyən şəxslər tərəfindən silahlı hücum təşkil edilib. Hücumda 20 fəhlənin həyatını itirdiyi, 3 işçinin yaralandığını deyilir.
Ətraf bölgələrdəki nəzarət nöqtələrində təhlükəsizlik səviyyəsi yüksəldilib, hücumçuları tapmaq üçün geniş istintaq başladılıb.
Pakistan baş naziri Nəvaz Şərif hücumu şiddətlə qınayıb və həyatını itirən fəhlələrin ailələrinə başsağlığı çatdırıb. Hücumla əlaqədar hesabat tələb edən Şərif səlahiyyətlilərə terrorçuların tapılaraq məhkəməyə çıxarılması əmrini verib.
Rəşid Mustafazadə
Ölkə.Az
