Goranboyda 22 yaşlı gənc minaya düşdü

Goranboy rayonun Zeyvə kənd sakini minaya düşüb. 

Hadisə aprelin 15-də günorta saatlarında Goranboy rayonunun Azərbaycan və Ermənistan qoşunlarının təmas xəttinin yaxınlığında yerləşən Zeyvə kəndində baş verib. Kənd sakini, 1993-cü il təvəllüdlü Nurlan Müğəddin oğlu Kərimov minaya düşərək xəsarət alıb.

Yaralı dərhal Goranboy rayon Mərkəzi xəstəxanasına, oradan isə Gəncə şəhər Təcili Tibbi Yardım Xəstəxanasına aparılıb. 

Nurlan Kərimovun sol ayağı amputasiya olunub, vəziyyətinin orta ağır olduğu bildirilir. (APA TV)

Ölkə.Az