Arqument.az saytı haker hücumuna məruz qaldı

Bu barədə Musavat.com-a saytın baş redaktoru Şəmşad Ağa məlumat verib. 

 

Onun sözlərinə görə, səhər saatlarından sayta intensiv haker hücumu başlayıb. Bu səbəbdən də sayt bir saatdan çoxdur ki, fəaliyyət göstərə bilmir.

 

"Hakerlər saytın serverinə aramsız sorğular göndərir. Hələ ki, saytın fəaliyyətini bərpa edə bilmirik. Amma hazırda proqramçılar saytın fəaliyyətini təmin etməyə çalışırlar. Arqument.Az-a hücumlar xaricdəndir. Hücumların əslində Azərbaycandan sifariş olunduğu barədə əlimizdə bir sıra məlumatlar var. Bununla bağlı dəqiqləşdirmələr aparırıq və açıqlama verəcəyik. Çünki tez-tez bu cür problemlərlə qarşılaşırıq", - deyə baş redaktor bildirib.