Minaya düşən sakinimiz açıqlama verib
Tovuzun sərhəddə yerləşən Əsrik-Cırdaxan kəndində mina partlaması nəticəsində ayağını itirən Bayram Süleymanov Tovuzda Mərkəzi rayon Xəstəxanasında müalicə olunur.
O, artıq reanimasiyadan çıxarılaraq palataya köçürülüb.
Bayram Süleymanovun sözlərinə görə, mal-qaranı gətirmək üçün təmas xəttinə yaxın ərazidə minaya düşüb. Orada minanın basdırılması barədə nişanlar olsa da, havanın duman-çiskinli olması səbəbindən nişanları görməyib.
Mina partlayandan sonra sağ ayağı parçalanan Bayram Süleymanov çətinliklə sürünərək həbrçiləri köməyə çağırıb. Onu xeyli qan itkisilə xəstəxanaya çatdırıblar.
Hərbçilərin köməyilə xəstəxanaya yerləşdirilən Bayram Süleymanovun həyatını xilas etsələr də, ayağı amputasiya olunub.(anspress)
Ölkə.az
