Mətn ölçüsü:
  • 100%

Bayram günləri yol qəzalarında

Bayram günlərində Azərbaycanda 46 yol qəzası baş verib

Baş Dövlət Yol Polis İdarəsindən verilən məlumata görə, oktyabrın 4-dən 6-na qədər ölkə ərazisində baş verən yol qəzalarında 8 nəfər ölüb, 55 nəfər yaralanıb.

Ötən gün ölkə ərazisində 18 yol qəzası baş verib. Bu qəzalarda 4 nəfər ölüb, 17 nəfər yaralanıb. Baş verən qəzaların əksəriyyəti isə paytaxtda qeydə alınıb.

Qeyd edək ki, yol qəzalarının çoxu sürət həddinin keçilməsi və yol hərəkəti qaydalarının kobud şəkildə pozulması səbəbindən baş verib. 

Xatırladaq ki, ötən il Qurban bayramı ərəfəsində Azərbaycan ərazisində cəmi 15 yol qəzası baş verib ki, bunun nəticəsində də 17 nəfər xəsarət alıb. Qəzalarda ölən olmamışdı.

Ölkə.az