Dörd nəfər tərəfindən zorlandığı deyilən qızın atası danışdı: "Qız özünü rahat hiss edir"

"O, özünü çox sərbəst və rahat hiss edir"

Bir neçə gün öncə Tovuzun Əyyublu kəndində dörd nəfər oğlan tərəfindən zorlandığı deyilən 20 yaşlı tələbə qız G.K-nın (Qızın qohumları adının açıqlamasını istəməyib) atası Kamal N. Ölkə.Az-a danışıb. O, bildirib ki, hazırda məsələ ilə bağlı istintaq gedir:

"Bu işlə qanun çərçivəsində məşğul olurlar" - deyən ata, "Əgər təqsirləndirilən şəxslərə verilən cəza sizi qane etməsə, apellyasiya şikayəti verəcəksinizmi?" sualına belə cavab verib:

"Hələ onu bilmirəm. Bunlar istintaq sirləridir, heç nə danışa bilmərəm".

Kamal N. qızının hazırki vəziyyətindən da danışıb:

"Qızın vəziyyəti normaldır. Özünü çox sərbəst və rahat hiss edir. Amma mənim əsəblərim pozulub".

Qeyd edək ki, martın 27-də Tovuzun Əyyublu qəsəbə sakini olan 20 yaşlı tələbə qızın dörd həmkəndlisi tərəfindən zorlanmasıyla bağlı xəbər yayılmışdı. Məsələ ilə bağlı cinayət işi açılıb və dörd nəfər saxlanılıb.

İntiqam VALEHOĞLU

Ölkə.Az