19 yaşlı qızı atası öncə döyüb, sonra da güllələyərək öldürüb

Yevlax şəhər polisində əməliyyatçı, polis mayoru olan Əzimov Kərim 19 yaşlı qızı Əzimova Nurayı öncə döyüb, sonra isə güllələyərək öldürüb.

Bu barədə xəbəri Ölkə.az-a ölən qızın nənəsi Qəhrəmanova Tərdəstə verib.

Qəhrəmanova Tərdəstənin sözlərinə görə 19 yaşlı Nuray Səlimovanı dünən axşam saatlarında atası öldürüb. Ancaq atası polis olduğu üçün elə qələmə verirlər ki, guya qız özün öldürüb.

Yevlax polisindən isə bildirirlər ki, Nuray Əzimova intihar edib.

Əldə etdiyimiz məlumata görə Nuray Əzimova yüngül həyat tərzi keçirirmiş. Atasının onu öldürməsinə səbəb də o olub.

Qəhrəmanova Tərdəstənin verdiyi xəbərə görə, Nuray Əzimovanın meyidi hal-hazırda Tərtər rayon Qaradağlı kəndindədir. O, yuyulduqdan sonra torpağa tapşırılacaq.

Mövzunu diqqətdə saxlayacağıq...

Səxavət Məmməd
Ölkə.az