Yevlax polisi Nuray Səlimovanın ov tüfəngi ilə öldürüldüyü faktını təsdiqlədi

Yevlax RPİ: Nuray Səlimova ov tüfəngi ilə özünü vurub

Yevlaxda baş verən qətl hadisəsi ilə bağlı oxucularımıza məlumat vermişdik. Hadisəni dəqiqləşdirmək üçün Yevlax RPİ-nin növbətçi hissəsi ilə əlaqə saxladıq.

Yevlax rayon polis idarəsinin növbətçi hissəsindən Ölkə.az-a verilən məlumata görə, bu barədə dəqiq heç bir məlumat yoxdur. Bilinən odur ki, adı çəkilən vətəndaş ov tüfəngindən açılan atəş nəticəsində dünyasını dəyişib.

"İlkin məlumata görə Nuray Səlimova özünü ov tüfəngi ilə vurub. Faktla bağlı cinayyət işi başlayıb. Araşdırma davam edir", əməkdaşımıza Yevlax RPİ0-nin növbətçi hissəsindən belə deyiblər.

Xatırladırıq ki, Ölkə.az-a telefonla məlumat verən mərhumun nənəsi Qəhrəmanova Tərdəstə onun atası tərəfindən öldürüldüyünü iddia etmişdi.

Araşdırmalarımız davam edir.

Səxavət Məmməd
Ölkə.az