Azərbaycanda avtobus qəzası

İsmayıllı rayonu, Mingə kəndində "Ford" markalı mikroavtobusun dərəyə aşması nəticəsində yol-qəza hadisəsi baş verib

Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Hadisə yerində əməliyyat şəraiti qiymətləndirilərkən məlum olub ki, mikroavtobusun sürücüsü və 6 nəfər sərnişin müxtəlif bədən xəsarətləri alıb, 2 nəfər ölüb. Yanğınsöndürən-xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə yaralıları və 2 cəsədi dərədən çıxararaq aidiyyatı üzrə təhvil verib. Əməliyyat saat 04:25-də başa çatıb./Qafqazinfo/

Ölkə.Az