Yasamalda güclü yanğın: Ölən var

FHN məlumat yayıb.

Bakının Yasamal rayonu әrazisindә yanğın baş verib.

Ölkə.Az-ın Fövqəladə Hallar Nazirliyinin (FHN) saytına istinadən verdiyi xəbərə görə, Bakı şəhəri, Yasamal rayonunda vətəndaşa məxsus ümumi sahəsi 310 kv.m olan 2 mərtəbəli mansard tipli su satış məntəqəsinin yanar konstruksiyaları 255 kv.m sahədə və ona bitişik ümumi sahəsi 54 kv.m olan avtomobil yuma sexinin çayxana kimi fəaliyyət göstərən mansardı 54 kv.m sahədə yanıb.

Yanğından hər 2 obyektin qalan hissəsi mühafizə olunub.

Yanğın saat 03:07-də yanğınsöndürənlər tərəfindən söndürülüb.

APA-nın yaydığı məlumata görə, yanğın başladıqda çayxananın işçisi 22 yaşlı Xanbabayev Şöhrət Әlövsət oğlu və digər bir nəfər içəridə olub.

Yanğından xilas olmağa çalışan 22 yaşlı gənc qapının şüşəsini sındıraraq bayıra çıxmaq istəyib. Bu zaman şüşə qırıqları onun ayaq damarlarını kәsib. Təcili tibbi yardım maşını ilә xəstəxanaya aparılan Şöhrət Xanbabayev qanitirmədən yolda dünyasını dəyişib.

Hadisə nəticəsində bir nəfər isə tüstüdən zəhərlənib.

Ölkə.Az