Axtarışda olan Türkiyə vətəndaşı Azərbaycanda tutuldu
O, Alekseyovla vətəndaş nikahında yaşayıb
Oktyabrın 1-də Mingəçevir polisi 32 yaşlı Türkiyə vətəndaşı Fərrux Türkişi saxlayıb.
Mingəçevir Rayon Polis İdarəsindən verilən məlumata görə, aparılmış əməliyyat-axtarış tədbirləri nəticəsində saxlanılan Fərrux Turkiş Türkiyə hüquq-mühafizə orqanları tərəfindən İnterpolun qırmızı xətti ilə beynəlxalq axtarışa verilib.
Qadınları fahişəliyə cəlb etdiyinə görə, Türkiyə məhkəməsi Fərrux Türkişi 2 il 2 ay azadlıqdan məhrum edib.
Fərrux Türkiş 2008-ci ildə Azərbaycana gələrək Mingəçevir şəhərində gizlənib. Fərrux Türkiş Mingəçevirdə qaynaqçı işinə düzəlib və rayonda qeydiyyata düşüb. Fərrux Türkiş Mingəçevirdə 45 yaşlı M.Alekseyovla vətəndaş nikahında yaşayıb.
Fərrux Türkişi Türkiyəyə təhvil vermək üçün sənədlər hazırlanır./Vesti.az/
Ölkə.Az
