Polisin ölümünə səbəb olan balıqçılar tutuldu

Lənkəranda polisin ölümünə səbəb olan iki nəfər tutulub

Daxili İşlər Nazirliyinin mətbuat xidmətindən Ölkə.Az-a verilən məlumata görə, sentyabrın 29-da saat 23 radələrində Su Nəqliyyatı Polis İdarəsinin Lənkəran rayon polis şöbəsi əməkdaşlarının brokonyerliyə qarşı əməliyyat keçirib.

Keçirilən əməliyyat tədbirləri zamanı “Veravul” çayının Lənkəran rayonunun Ürgə kəndindən keçən hissəsində qayıqda qanunsuz balıq ovu ilə məşğul olan kənd sakinləri Rafiq Əsgərovu və Bəhruz Hüseynovu tutmaq istəyərkən R.Əsgərov elektrik cərəyanına bağlanmış toru suya atıb hadisə yerindən qaçıblar.

Tora toxunan polis kiçik serjantı Malik Cahangirovu elektrik cərəyanı vurub. Nəticədə Malik Cahangirov hadisə yerində ölüb.

Faktla bağlı cinayət işi başlanıb.

Həyata keçirilmiş əməliyyat-axtarış tədbirləri nəticəsində R.Əsgərov və B.Hüseynov tutulublar.

Faktla bağlı araşdırma aparılır.

Ölkə.Az