Mətn ölçüsü:
  • 100%

İşləməyə gələn gənc Bakıda "ilişdi"

Abşeronda kef məclisi qurub əylənən dostlar sərxoş olandan sonra əyləncələrinə bir az da rəng qatmaq istəyiblər.

Elə bu minvalla iki dost bir yerdə “VAZ 2107” markalı maşını qaçırıblar. Amma Abşeron polisi onların əyləncələrini yarımçıq qoyublar.

Həvəsinin güdazına gedən 20 yaşlı Mürşüdov Əşrəfəli Ləliyar oğlu maşın oğurlamada təqsirli bilinir. İşləmək üçün Naxçıvandan Bakıya gələn Əşrəfəli, 24 yaşlı İbrahim İsmayılovla tanış olub. Dostluğa çevrilən bu tanışlıq, hər iki gənci bir birinə mehriban edib. Hadisə günü görüşən tanışlar bir-iki qədəh spirtli içki qəbul ediblər. Elə bundan sonra da, maşın sürmək eşqinə düşüblər. Çox var-gəldən sonra dostlar Abşeron rayonu, Nübar qəsəbəsində Elçin Məmmədova məxsus “VAZ 2107” maraklı maşını oğurlayıblar.

"Maşın məhəllədə idi. Gördük ki, qapısı açıqdı. Sürdük getdik", deyə saxlanılan şəxs Əşrəfəli Mürşüdov deyib.

İstiqamət kimi Baləkən rayonunu sürən dostların bu arzusunu Abşeron Rayon Polis Şöbəsinin əməkdaşları ürəklərində qoyub. Belə ki, vətəndaşın şikayəti əsasında axtarışa verilən avtomobil Şəki şəhərində saxlanılıb. Maşın və hər iki şəxs daha sonra Abşeron polisinə təhvil verilib. Saxlanılanlardan İbrahim İsmayilov bu yola əl atmalarının əsl məqsədlərini açıqlayıb.

"Alver etmək üçün maşın lazım idi, ona görə də oğurladıq".

Hazırda hər iki şəxsin analoji əməllərinin varlığı ətrafinda rayon polis şöbəsində araşdırmalar aparılır. (ANS TV)

Ölkə.Az