Azərbaycanlı gəncin Almaniyada özünü yandırma səbəbləri məlum oldu

Özünü yandıran gənc məmurlarla problemlər yaşayırmış

Ölkə.Az bir müddət əvvəl xəbər vermişdi ki, Almaniyada  gənc soydaşımız Zaur Məmmədli özünü yandırıb.

"Alman Azərbaycan Mədəniyyət evinin" yaydığı məlumata görə, Zaurun 26 yaşı var və o Sumqayıtda yaşayıb. 

Mədəniyyət evinin icraçı direktoru Rəşad Quliyev Ölkə.Az-a bildirib ki,  hadisə nəticəsində Zaurun bədəninin sol hissəsi yanıb. 

"Həkimlərlə danışdıq. Şükürlər olsun ki yaxınlarda əməliyyatdan sonra onun durumu düzələcək. Biz bu məsələni bu cür qoymayacayıq." - deyə Rəşad Quliyev söyləyib. 

"Hazırda "Alman Azərbaycan Mədəniyyət Evi" rəhbərliyi olaraq Zaur qardaşımızın yanına Duisburg xəstəxanasına vəkillə birlikdə gəlmişik. Bu məsələdə Zaurun hüququnu tapdalayan məmurlar cəzasını tapmayana qədər əlimizi bu işdən çəkməyəcəyik  Sosial təşkilatlarda, xaricilər idarəsində gəncin hüquqları pozulub. Bu da onun əsəb sisteminə mənfi təsir göstərib. ",- deyə direktor əlavə edib.

Rəşid Mustafazadə

Ölkə.Az