Sabunçuda ahıl kişini maşın vurdu: Vəziyyəti ağırdır
Bakıda xəsarətlə nəticələnən yol nəqliyyat hadisəsi baş verib.
"Ölkə.Az"!ın report-a istinadən məlumatına görə, hadisə Sabunçu rayonunda qeydə alınıb.
Kürdəxanı qəsəbəsində yolu keçən 1951-ci il təvəllüdlü Mustafayev Adil Rza oğlunu avtomobil vurub. Yaralı təcili tibbi yardımın köməkliyi ilə xəstəxanaya çatdırılıb və həkim nəzarətinə götürülüb. Müayinə zamanı ona qapalı kəllə-beyin travması və baş-beyin əziyi diaqnozları qoyulub.
Hadisənin təfərrüatı araşdırılır.
