Yanan binada ölənlərin sayı 5 nəfərə çatdı

Binanın üzlüyü alışıb.

Bakının Azadlıq prospektində 16 mərtəbəli binada güclü yanğın baş verib.

Ölkə.Az xəbər verir ki, bu barədə məlumatı Facebook-da jurnalist Əzizə İsmayılova yerləşdirib.

Bildirilir ki, hadisə yerinə FHN əməkdaşları cəlb olunub. Binanın üzlüyü alışıb.

***

Ölkə.Az-ın hadisə yerində olan əməkdaşının verdiyi xəbərə görə, yanğınsöndürənlər yanğının qarşısını ala bilmirlər: "Hazırda binanın içərisində xeyli sayda adam var. Amma içəri daxil olmaq mümkün deyil.

Camaat özü yaxınlarını xilas etmək üçün içəri daxil olmaq istəsə də, icazə verilmir. İnsanlar təşviş içindədir"

Qeyd edək ki, bu dəqiqələrdə yanğın davam edir.

***

Bu dəqiqələrdə binada yanğın davam edir. Əməkdaşımız xəbər verir ki, binanın yuxarı mərtəbələrindən 18-20 yaşlı gənc xilas olmaq üçün özünü yerə atıb. Zərərçəkmiş təcili yardım maşınıyla xəstəxanaya aparılıb.

***

Binada yanğın davam edir. Bir körpəni və anasını xilas etmək mümkün olub. Qeyd olunur ki, bu, həmin binada kirayədə yaşayan jurnalist Sevinc Fədai və oğlu Ucaldır. Bir neçə nəfər hadisə nəticəsində dünyasını dəyişib. Hələlik ölənlərin sayı dəqiq məlum deyil.

***

Ölkə.az-ın hadisə yerində olan əməkdaşının verdiyi məlumata görə, FHN əməkdaşları binaya daxil ola bilmirlər. Yanğın hələ də davam edir. Bir neçə meyit çıxarılıb. Hadisə yerinə FHN-nin 3 yanğınsöndürən helikopteri cəlb olunub. Məlumata görə, sakinlərin çoxu binanın içərisində qalıblar.

***

Ölkə.Az-ın hadisə yerində olan əməkdaşının verdiyi məlumata görə, yanğın baş verən binadan bir nəfər qadın və azyaşlı sağ çıxarılıb.

***

Ölkə.Az-ın hadisə yerində olan əməkdaşının verdiyi məlumata görə, yanğın baş verən binadan xilasedicilər bir meyid daha çıxarıb.

Səxavət Məmməd

Ölkə.Az