Zaqatalada ağır yol qəzası: 1 ölü, 9 yaralı
Zaqatala rayonunda ağır yol qəzası baş verib.
"Ölkə.Az"ın Report-a istinadən xəbərinə görə, qəza nəticəsində 1 nəfər ölüb, 9 nəfər xəsarət alıb.
Hadisə Zaqatala-Qandax avtomobil yolunun Qandax kəndi ərazisindən keçən hissəsində qeydə alınıb.
Belə ki, Şəkidən tütünçüləri gətirən mikroavtobusun qarşısına qoşqulu motosiklet çıxıb. Nəticədə qəza baş verib.
Xəsarət alanlar Zaqatala Rayon Mərkəzi Xəstəxanasına yerləşdirilib.
Faktla bağlı araşdırma aparılır.