Qaxda ölümlə nəticələnən partlayışa səbəb nə olub? - AÇIQLAMA
Xəbər verdiyimiz kimi, Qax rayonunun Süskənd ərazisində yerləşən "Qax Mineral Suları" MMC-də partlayış baş verib.
Kənd sakinlərinin “Ölkə.az”a verdiyi məlumata görə, hadisə MMC-dəki oksigen balonunun partlaması nəticəsində olub.
Qax Rayon Mərkəzi Xəstəxanasından “Ölkə.az”a bildirilib ki, hadisə yerinə təcili yardımlar getsə də, hələlik xəstəxanaya heç kim gətirilməyib.
Qeyd edək ki, partlayış nəticəsində MMC-də nəzarətçi işləyən Aydın Şabanov vəfat etdiyi bildirilir.
Qax Rayon İcra Hakimiyyətinin ərazi üzrə nümayəndəsi “Ölkə.az”a açıqlamasında bildirib ki, hadisə nəticəsində yaralanan yoxdur, yalnız bir nəfər vəfat edib.
Hazırda hadisənin səbəbləri araşdırılır.
"Qax Mineral Suları" MMC-nin əməkdaşı “Ölkə.az”a açıqlamasında hadisəni təkzib edib və ümumiyyətlə müəssisədə A.Şabanov adlı əməkdaşın çalışmadığını söyləyib.
Billurə Yunus
