Azərbaycan vətəndaşı zinət əşyaları ilə Gürcüstanda saxlanıldı

Maliyyə Nazirliyinin gəlir xidmətinin əməkdaşları, “Sarpi” keçid məntəqəsində Türkiyədən Gürcüstana keçən Azərbaycan vətəndaşı Z.X.-da deklarasiya edilməmiş 4 min 293 lari dəyərində olan (1,8 min dollara yaxın) qızıl əşyaları aşkar ediblər.

Müsadirə edilən qızıl kulon, bilərzik, boyunbağı və sırğaların ümumi çəkisi 79,11 qramdan ibarət olub.

“Göstərilən əşyaların bir hissəsini Azərbaycan vətəndaşı polietilen torbaya bükərək bədəninə bərkidib, qalan hissəsi isə əl çantasında olub”, - idarənin mətbuat xidməti bildirib.

Vergi Məcəlləsinin 289-cu maddəsinin 10-cu bəndinə əsasən deklarasiya edilməmiş malın dəyərinə bərabər məbləğdə cərimə edilməlidir.oxu.az

Ölkə.Az