Ağcabədidə bədbəxt hadisə: pambıq zavodunda işçinin boynu sınıb
Ağcabədi rayonunda pambıq zavodunda işçi ağır xəsarət alıb.
"Ölkə.az" “Report”a istinadla xəbər verir ki, həmin zavodda işləyən 1995-ci il təvəllüdlü Mehralıyev Amil Aqil oğlunun paltarı iş yerində elektrik dəzgahına ilişib.
Nəticədə o ağır bədən xəsarəti alıb. Yaralı dərhal xəstəxanaya aparılıb.
Həkim müayinəsindən sonra Amil Mehralıyevə boyun fəqərəsinin sınığı diaqnozu qoyulub və reanimasiyaya yerləşdirilib.
Faktla bağlı araşdrıma aparılır.
