Bələdiyyə sədrinin və həyat yoldaşının qətlindəki gizlinlər
Abşeron rayon Saray bələdiyyəsinin sədri Vəsilə Əbilhəsənova və onun həyat yoldaşı Vəfadar Əbilhəsənovun qətlində ittiham olunan Fədail Hüseynovla bağlı ilginc təfərrüatlar məlum olub.
Ölkə.az xeber verir ki, bir müddət əvvəl Saray sakini Fikrət Məmmədov ölkə prezidenti İlham Əliyevə müraciət ünvanlayıb. F. Məmmədov müraciətində Saray bələdiyyəsinin sədri Vəsilə Əbdülhəsənovanı bir sıra şəxslərlə əlbir olub qanunsuz əməllər törətməkdə ittiham edib. Maraqlısı isə odur ki, mərhum bələdiyyə sədrindən narazı olan Saray sakini - V. Əbdülhəsnovanı “makler” kimi çalışan Fədail Hüseynov və Abşeron rayonu İcra Hakimiyyəti Memarlıq və Tikinti şöbəsinin əməkdaşı Elgiz Fərəcovla birgə qoçu dəstəsi saxlamaqda günahlandırır. 29.04.2015-ci il tarixində ölkə mətbuatında yayımlanan müracitədən belə məlum olur ki, mərhum bələdiyyə sədri və F. Hüseynov uzun zamandır bir-birilərini tanıyıblar və yaxşı münasibətləri olub. F. Hüseynovun ev dəllalı olduğunu nəzərə alsaq qətlin də bələdiyyə sədri ilə daşınmaz əmlak üstündə baş verdiyi ehtimal edilir.
Maraqlı olacağını nəzərə alıb Fikrət Məmədovun ölkə başçısına müraciətindən bəzi çıxarışları təqdim edirik:
“Vəsilə xanım uzun illərdir Saray bələdiyyəsi sədrinin müavini, indi də sədri seçilib. Xanım sədr torpaqları bölüşdürməkdə və satmaqda xüsusi mütəxəssisdir. Vəsilə xanım bu xüsusi qabiliyyəti sayəsində bu yaxınlarda Saray kəndində, “Şamlıq” deyilən ərazidə Abşeron rayonu İcra Hakimiyyəti Memarlıq və Tikinti şöbəsinin əməkdaşı Elgiz Fərəcovla əlbir olaraq əhaliyə paylanan 2 hektar pay torpağını öz sürücüsü Ziyadxanın adına sərəncam verərərək saxta yolla özəlləşdirdikdən sonra Elgizin yaxın dostları olan Vüqar və Fədail Hüseynov qardaşlarının əli ilə satışa çıxarıb.
“İşgüzar” sədrin fəaliyyəti bununla bitmir. Xanım bələdiyyə sədri Elgiz Fərəcovla Hüseynov qardaşlarının əliylə qanunsuz silahlı dəstə saxlaması isə dəhşət doğurur. Bu dəstə kənd ərazisini gəzərək xoşlarına gələn torpaq sahələrinin sahiblərinə hədə-qorxu gəlməklə dəyərindən iki-üç dəfə aşağı qiymətə alırlar. Xanım sədr həmin torpaqları Elgizlə birlikdə saxta yolla sənədləşdirərək yenidən baha qiymətə satışa çıxarırlar. Nəticədə xanım sədr Saray qəsəbəsi ərazisində bir qarış da olsa boş torpaq qoymayıb. Xanım sədrin xeyir-duasıyla Elgiz və onun dostları Vüqar və Fədayıl qardaşları kənd ərazisində yerləşən “Üç qardaş” marketinin yanında bir hektardan artıq torpağı da zəbt edərək heç bir sənəd olmadan fərdi yaşayış evləri tikməklə ayrı-ayrı adamlara satır. Bundan əlavə Elgizlə Vüqar Saray ərazisindən keçən beton kanalı torpaqla dolduraraq satışa çıxarıb”.
Müraciətdə o da bildirilir ki, Xanım bələdiyyə sədri Elgiz Fərəcovla Hüseynov qardaşlarının əliylə qanunsuz silahlı dəstə saxlayıb:
“Bu dəstə kənd ərazisini gəzərək xoşlarına gələn torpaq sahələrinin sahiblərinə hədə-qorxu gəlməklə dəyərindən iki-üç dəfə aşağı qiymətə alırlar. Xanım sədr həmin torpaqları Elgizlə birlikdə saxta yolla sənədləşdirərək yenidən baha qiymətə satışa çıxarırlar. Nəticədə xanım sədr Saray qəsəbəsi ərazisində bir qarış da olsa boş torpaq qoymayıb. Xanım sədrin xeyir-duasıyla Elgiz və onun dostları Vüqar və Fədayıl qardaşları kənd ərazisində yerləşən “Üç qardaş” marketinin yanında bir hektardan artıq torpağı da zəbt edərək heç bir sənəd olmadan fərdi yaşayış evləri tikməklə ayrı-ayrı adamlara satır. Bundan əlavə Elgizlə Vüqar Saray ərazisindən keçən beton kanalı torpaqla dolduraraq satışa çıxarıb”.
Saray sakini daha sonra qeyd edir ki, sözügedən şəxslərin qanunsuz əməllərindən 20 aprel 2015-ci ildə DİN-in Baş Mütəşəkkil Cinayətkarlıqla Mübarizə İdarəsinə şikayətçi olduqlarına görə, 25 aprel tarixində Xırdalan şəhərində həmin qoçu dəstəsinin üzvləri Vüqar, Fədail və Nuru qardaşlarının başçılığı altında 8-9 nəfərlik dəstənin hücumuna məruz qalıblar:
“Onlar qəflətən mənim və yanımda olan bacımoğlunun, qardaşımoğlunun üzərinə hücum edərək bizi hədələdilər, üstümüzə bıçaq çəkərək ölümlə hədələdilər. Tələbləri də bu olub ki, adıçəkilən quruma etdiyimiz şikayəti geri götürməsək bizi ailəlikcə məhv edəcəklər. Xoşbəxtlikdən yaxınlıqda olan insanların köməkliyi ilə həmin quldur dəstəsinin əlindən qaçıb canımızı qurtara bildik. Bu barədə DİN-in 102 xidmətinə zəng etdik. Amma hələ də cinayətkarlar azadlıqda gəzərək bizi hədələməkdə davam edirlər”.
İlqar
Ölkə.Az
