Göygöldə yol qəzası olub, 3 nəfər xəsarət alıb
Bakı-Qazax avtomagistralında ağır yol-nəqliyyat hadisəsi baş verib.
"Ölkə.Az"ın Report-a istinadən məlumatına görə, hadisə Göygöl rayonu ərazisində qeydə alınıb.
"VAZ-2107" markalı minik avtomobil iki "KamAZ" markalı yük maşının arasında əzilib.
İlkin məlumatlara görə, minik maşınında olan 3 nəfər xəsarət alıb. Xəsarət alan Paşa Həmzəyev və Gündüz Çobanov əvvəlcə Göygöl rayon Mərkəzi Xəstəxanasına aparılıblar. Daha sonra yaralılar Gəncədəki xəstəxanaların birinə göndərilib. P. Həmzəyevin vəziyyəti ağır qiymətləndirilir.
Qəza nəticəsində G.Çobanovun oğlu da avtomobildə olub. Ona ambulator yardım göstərilib.
Faktla bağlı araşdırma aparılır.
