Mübahisə etdiyi sevgilisini taksidə bıçaqlayıb öldürdü - FOTO

İstanbulda 40 yaşlı kişi sevgilisini bıçaqlayaraq qətlə yetirib.

"Ölkə.Az" Türkiyə mətbuatına istinadən xəbər verir ki, 40 yaşlı Ramazan Su evlənməyə hazırlaşdığı 44 yaşlı Nərmin Cələb ilə əmisinin evindən çıxaraq taksi çağırıblar.

Bir müddət sonra ikili arasında naməlum səbəbdən mübahisə yaranıb. Mübahisə zamanı Ramazan küçənin ortasında sevgilisini döyməyə başlayıb. Qadının qışqırtısını eşidən məhəllə sakinləri köməyə gəliblər. Vətəndaşlar tərəfindən ayrılan cütlük daha sonra taksiyə minərək oranı tərk ediblər.

Lakin cütlük arasında mübahisə taksidə də davam edib. Bu zaman Ramazan taksidə sevgilisinə bıçaqla xəsarətlər yerirərək maşından düşüb və hadisə yerindən qaçıb.

Yaralı qadını taksi sürücüsü xəstəxanaya çatdırıb.

Həkimləri səylərinə baxmayaraq ağır bədən xəsarətləri alan qadın xəstəxanada dünyasını dəyişib.

Cinayəti törətməkdə şübhəli bilinən Ramazan Su polis əməkdaşları tərəfindən saxlanılıb.

Araşdırma aparılır.