Bakıda sərxoş qadınla polis arasında qalmaqal
Bakının Xəzər rayonunun Mərdəkan qəsəbəsində sərxoş halda sükan arxasına keçən qadın sürücü polis tərəfindən saxlanılıb.
Qəsəbə ərazisində saxlanılan 31 yaşlı Cəfərova Aygün Vaqif qızı hər vəchlə öz əməlinə haqq qazandırmağa çalışıb.
Polis əməkdaşlarının ona sərxoşluq müayinəsi təklif etməsi isə xanım sürücünü lap özündən çıxarıb. Sənədlərini təhvil verməkdən və maşını tərk etməkdən boyun qaçıran Aygün Cəfərovanın ərazidən uzaqlaşdırılması üçün isə, əlavə köməyə ehtiyac yaranıb.
Post patrul xidməti əməkdaşlarının köməyi ilə maşından düşürülən qadın sürücünün üzərində daha sonra sərxoşluq müayinəsi aparılıb. Müayinə zamanı isə, onun oxşar əməlinin də üstü açılıb.
Sənədi alınan sürücü barəsində cərimə protokolu tərtib olunmaqla yanaşı ona məxsus avtomobil müvəqqəti dayanacağa aparılıb. Görünən isə odur ki, Aygün Cəfərova bu gedişlə sürücülük hüququndan da məhrum ediləcək.
Ölkə.Az
