Azərbaycanda 4 yeniyetmə həmyaşıdını alçaldıb görüntüsünü Tik-Tok-da paylaşdı - Polis hərəkətə keçdi - VİDEO
Sosial şəbəkədə xoşagəlməz görüntülər yayılıb.
Ölkə.az xəbər verir ki, Tik-Tok-da paylaşılan videoda göründüyü kimi 4 yeniyetmə oğlan bir nəfəri təkləyib. Onun şərəf və ləyaqətini alçaldırlar və bunu telefonla çəkirlər.
Onlar oğlandan üzr istəməsini tələb edirlər. Daha sonra gənclərdən biri həmin oğlana yumruq atır.
DİN - in Mətbuat Xidmətinin Şəki regional qrupunun baş inspektoru, polis baş leytenantı Mahir Məsimov "Ölkə.Az"ın sorğusuna cavab olaraq bildirib ki, sosial şəbəkələrdə yayılan görüntülərdən məlumatlıyıq. Məsələ ilə bağlı araşdırmalara başlanılıb, nəticəsi barədə əlavə məlumat veriləcək.
Qeyd edək ki, video aşağıda təqdim etdiyimiz Tik-Tok səhifəsində paylaşılıb və bir müddət sonra silinib.
