14 yaşlı oğlu ilə bir yerdə ərini döyüb öldürdü - FOTO

Ana oğlu ilə birlikdə ərini qətlə yetirib.

"Ölkə.Az" Türkiyə mətbuatına istinadən xəbər verir ki, dəhşətli hadisə Adanada baş verib.

Məlumata görə 4 uşaq anası olan 32 yaşlı Elif C. yük maşını sürücüsü olan 62 yaşlı Yücel Cihangir ilə 6 ay əvvəl evlənib.

Ötən gün gecə evdə Elif C. əri ilə mübahisə edib. Mübahisəyə onun 14 yaşlı oğlu O.H.-da qoşulub.

Bir müddət sonra mübahisə daha da qızışaraq davaya çevrilib. Dava zamanı ana və oğul birlikdə dəyənəklə Yücel Cahangiri döyərək qətlə yetiriblər.

Əvvəlcə nə edəcəklərini bilməyən ana və oğul bir müddət meyitin yanında dayanıb daha sonra isə onu mənzildə gizlədiblər. Səhər saatlarında polisə zəng vuran qadın ərini öldürdüyünü etiraf edib.

Saxlanılan ana və  14 yaşlı oğlu həbs ediliblər.  Qalan 3 uşaq isə dövlət himayəsinə götürülüb.