Qaradağda yanaraq ölən qadın müəllim imiş - YENİLƏNİB + FOTO
Bakı şəhərinin Qaradağ rayonunda beşmərtəbəli yaşayış binasının üçüncü mərtəbəsində baş verən yanğında ölən şəxs müəllim imiş.
Ölkə.Az-ın məlumatına görə, Həsənova Xuraman Feyzulla qızı Elxan Həsənov adına 139 nömrəli tam orta məktəbdə ibtidai sinif müəllimi işləyirmiş.
***
Bakı şəhərinin Qaradağ rayonunda beşmərtəbəli yaşayış binasının 3-cü mərtəbəsində ümumi sahəsi 72 m² olan 3 otaqlı mənzilin 1 otağının yanar konstruksiyaları 12 m² sahədə və 2-ci mərtəbəsində ümumi sahəsi 72 m² olan 3 otaqlı mənzilin 1 otağının tavanı 4 m² sahədə yanıb.
Bu barədə "Ölkə.Az"a Fövqəladə Hallar Nazirliyinin (FHN) Mətbuat Xidmətindən məlumat verilib.
Bildirilib ki, yanğın yerinin kəşfiyyatı zamanı 1961-ci il təvəllüdlü Həsənova Xuraman Feyzulla qızının meyiti yanğınsöndürənlər tərəfindən aşkar edilərək aidiyyəti üzrə təhvil verilib.
Hər iki mənzilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Hadisə ilə əlaqədar müvafiq qurumlar tərəfindən təhqiqat aparılır.
