Şirvan kollektorunda batan kişinin meyiti tapılıb

Fövqəladə Hallar Nazirliyi (FHN) 2 gün əvvəl Şirvan kollektorunda batan şəxsin meyitinin tapılması barədə məlumat yayıb.

FHN-dən "Ölkə.Az"a verilən məlumata görə, 12.06.2022-ci il tarixində Baş Şirvan Kollektorunun Şirvan şəhəri ərazisindən keçən hissəsində batdığı ehtimal olunan 1966-cı il təvəllüdlü Cavadov Təyyar Mirhəsən oğlunun axtarışları başa çatıb. T.Cavadovun meyiti kollektorun Salyan rayonu ərazisindən keçən hissəsində (batdığı yerdən təqribən 30 km aralı) Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq çıxarılıb və aidiyyəti üzrə təhvil verilib.