Bakıda qəssab ət kəsimində istifadə etdiyi bıçaqla adam öldürdü
O 2011-ci ildə azadlığa çıxıb.
Bakıda qəssab qonşusunu öldürdü.
Ölkə.Az xəbər verir ki, ANS PRESS-in məlumatına görə, qətl hadisəsi paytaxtın Sabunçu rayonu Maştağa qəsəbəsində Mehdi Hüseyn küçəsi dalan 7, ev 26 da baş verib.
Sahə müvəkkili Rəşad İsmayılovun verdiyi məlumata görə, Bakı şəhər sakini, 1972-ci il təvəllüdlü Müseyib Ramiz oğlu Həsənov aralarında baş verən şəxsi münaqişə zəminində 1949-cu il təvəllüdlü Şamil Səməd oğlu Kərimovu bıçaqlayaraq qətlə yetirib.
M.Həsənov əvvəllər də narkotik vasitələrin istifadəsinə görə məhkumluq həyatı yaşayıb.
Müstəntiqin sözlərinə görə, ilkin dindirilmə zamanı M. Həsənov hadisənin səbəbini açıqlayaraq bildirib ki, ölən şəxs onu hər gün onu mütəmadi olaraq söyüb, təhqir edib.
Qəssab işləyən M.Həsənov qətl hadisəsi baş verən gün maşınından düşüb evinə girərkən Şamil Kərimov yenə onu söyməyə başlayıb. Bu dəfə əsəblərini cilovlaya bilməyən qəssab evə girərək ət kəsimində istifadə etdiyi bıçağı götürüb və yenidən həyətə düşüb.
Ş.Kərimovu bıçaqlayaraq öldürən Müseyb hadisə yerindən uzaqlaşıb.
Hadisədən sonra saxlanılan Həsənov haqqında Sabunçu rayon Prokurorluğunda cinayət işi açılıb.
Qeyd edək ki, Ş. Kərimovu öldürən şəxs 2009-cu ildə narkotik vasitələrin istifadəsinə görə həbs edilib və 2011-ci ildə azadlığa çıxıb.
Ölkə.Az
