Biləsuvarda yol qəzası olub, xəsarət alanlar var

Biləsuvar rayonunda iki nəfərin xəsarət alması ilə nəticələnən yol-nəqliyyat hadisəsi baş verib.

Ölkə.az report-a istinadən xəbər verir ki, hadisə rayonun Xırmandalı kəndində qeydə alınıb.

Belə ki, qəza zamanı minik avtomobili ilə motosiklet toqquşub.

Nəticədə iki nəfər rayon sakini, 1988-ci il təvəllüdlü O.Bayramov və 2010-cu il təvəllüdlü M.Bayramlı xəsarət alıb.

Yaralılar rayon xəstəxanasına çatdırılıb.

Faktla bağlı araşdırma aparılır.