Sabirabadda qəza baş verib, ölən və yaralananlar var - FOTO

Sabirabadda ölümlə nəticələnən qəza baş verib.

Ölkə.Az-ın məlumatına görə, hadisə Saatlı-Sabirabad magistralında qeydə alınıb.

Yük avtomobili ilə “Mercedes” markalı minik avtomobilinin toqquşması nəticəsində bir nəfər ölüb, 2 nəfər xəsarət alıb.

Avtomobil qəzasında xəsarət alan Sabirabad rayonunun Balakənd kənd sakini, 1991-ci il təvəllüdlü Xanəliyev İsrail Xanlar oğlu xəstəxanaya aparılarkən yolda keçinib.

Məlumata görə, onun əmisi oğlu, Xanəliyev Sərraf Adil oğlu və daha bir qohumu xəsarət alaraq Sabirabad xəstəxanasına yerləşdirlib.

Faktla bağlı araşdırma aparılır./APA