Bakıda yaşayış binasındakı yanğınla bağlı

Bakıda 17 mərtəbəli yaşayış binasında yanğın baş verib. 

Hadisə paytaxtın Tələt Şıxəliyev küçəsində qeydə alınıb. Yanğın "Atlant" MTK-ya məxsus suvaq üzlüklü, rənglənmiş binanın 13-cü mərtəbəsində olub. 165 kv.m sahəsi olan 3 otaqlı ev Raqif İsmayılova məxsusdur. 

Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürənləri cəlb edilib. 

Xidmətdən daxil olan məlumata görə, yanğının qarşısı alınıb və tez bir zamanda tamamilə söndürülüb. Yanğının digər mənzillərə keçməsinin qarşısı alınıb. 

Xatırladaq ki, bir neçə KİV-də yanğının bütün binaya keçməsi, qatı tüstü ilə müşayiət olunması haqda məlumatlar yer alıb.  (Qafqazinfo)

Ölkə.Az