Bakıda yaşayış binasındakı yanğın söndürüldü - YENİLƏNİB (VİDEO)
Bakıda doqquz mərtəbəli binanın sonuncu mərtəbəsində baş vermiş yanğın söndürülüb.
Bu barədə FHN-in Mətbuat Xidməti məlumat verib.
Bildirilib ki, Qara Qarayev prospekti 106 ünvanında baş verən yanğın zamanı 5 kvadratmetr sahədə ev əşyaları yanıb. Yanğının genişlənməsinə imkan verilmədən qısa müddətdə FHN qüvvələri tərəfindən söndürülüb.
***
Bakıda doqquz mərtəbəli binanın doqquzuncu mərtəbəsi yanır.
Bu barədə məlumat BAKU.WS-in "qaynar xətti"nə daxil olub.
Bildirilir ki, yanğın Xalqlar Dostluğu metrostansiyasının yaxınlığındadır. Hazırda əraziyə 3 yanğınsöndürən maşın cəlb edilib. Yanğının söndürülməsi üzrə işlər davam etdirilir.