Tovuzdakı qəzada ölənlərin adları bəlli oldu - YENİLƏNİB
Tovuzda yol qəzasında ölənlərin adları məlum olub.
Oxu.Az-ın məlumatına görə, yol-nəqliyyat hadisəsi nəticəsində həlak olanlar Tovuz rayonu Hunanlar kənd sakinləri 1976-cı il təvəllüdlü Abuzərov Əli və 1976-cı il təvəllüdlü Abbasova Nabatdır.
***
Tovuzda ölümlə nəticələnən yol qəzası baş verib.
APA-nın yerli bürosunun məlumatına görə, hadisə rayonun Əlimərdanlı kəndində qeydə alınıb.
DİN-in Mətbuat xidmətinin Gəncə regional qrupunun baş inspektoru, polis kapitanı Eşqin Qasımovun verdiyi məlumata görə, Tovuz Rayon Polis Şöbəsinə rayonun Əlimərdanlı kənd ərazisində yol-nəqliyyat hadisəsi baş verməsi barədə məlumat daxil olub. Dərhal polis əməkdaşları hadisə yerinə gələrək müvafiq araşdırmalar aparıb, nəqliyyatın hərəkəti bərpa edilib. İlkin araşdırmalara görə, “VAZ 21011” və “Mitsubishi” markalı pikapın toqquşması nəticəsində “VAZ”da olan 4 nəfərdən 2-si xəsarət alıb, iki nəfər - 1 qadın, 1 kişi ölüb.
Hazırda xəsarət alanların və ölənlərin kimliyi dəqiqləşdirilir. Faktla bağlı əlavə məlumat veriləcək.
