Sevgilisini bıçaqlayan qısqanc kişi məhkəmə qarşısında

Ağcabədi rayonunda sevgilisini bıçaqlamaqda təqsirləndirilən Şükür Qənbərovun cinayət işi üzrə ibtidai istintaq yekunlaşıb.

"Ölkə.az" xəbər verir ki, toplanan iş baxılması üçün Lənkəran Ağır Cinayətlər Məhkəməsinə göndərilib.

Cinayət işi hakim Nizami Quliyevin sədrliyi ilə araşdırılacaq.

İş üzrə məhkəmə hazırlıq iclası fevralın 16-na təyin olunub.

Qeyd edək ki, hadisə ötən iç oktyabrın 2-də Ağcabədi rayonu ərazisində yerləşən "Bakı" çay evinin qarşısında qeydə alınıb.

Belə ki, Qənbərov Şükür Eldəniz oğlu ilə qeyri-rəsmi nikah münasibətlərində olduğu Laçın rayon sakini, 1997-ci il təvəllüdlü İbrahimova Sücayət Məcid qızının qısqanclıq zəminində aralarında münaqişə yaranıb. Daha sonra o, üzərində gəzdirdiyi mətbəx bıçağı ilə S.İbrahimovanın bədəninin müxtəlif nahiyələrinə zərbələr endirib.

Yaralı Ağcabədi Rayon Mərkəzi Xəstəxanasına yerləşdirilib.

Faktla bağlı Ağcabədi Rayon Polis Şöbəsində Cinayət Məcəlləsini 126.1-ci (Qəsdən sağlamlığa ağır zərər vurm) maddəsi ilə cinayət işi başlanılıb.