Tanışını içki süşəsi ilə öldürən şəxsin məhkəməsi başlayır

Zaqatala rayonundas tanışını qətlə yetirməkdə təqsirli bilinən Qriqoriy Burqandinovun cinayət işi üzrə ibtidai istintaq başa çatıb.

 

"Ölkə.Az" xəbər verir ki, cinayət işinin materialları baxılması üçün Şəki Ağır Cinayətlər Məhkəməsinə göndərilib.

 

Cinayət işi haki Xaliq Məmmədovun icraatına verilib.

 

İş üzrə məhkəmə hazırlıq iclası fevralın 21-nə təyin olunub.

 

Zaqatala rayon prokurorluğundan verilən xəbərə görə, Zaqatala rayonunun Fındıqlı kəndi ərazisində 1970-ci il təvəllüdlü Elxan Xəlilovun öldürülməsi barədə prokurorluğa məlumat daxil olub.

 

Aparılan araşdırmalarla zərərçəkmişin tanışı, 1952-ci il təvəllüdlü Qriqoriy Burqandinovun şəxsi münasibətlər zəminində aralarında yaranmış münaqişə zamanı spirtli içki şüşəsi ilə baş nahiyəsinə xəsarət yetirərək Elxan Xəlilovu qəsdən öldürməsinə əsaslı şübhələr müəyyən edilib.

 

Faktla bağlı Zaqatala rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

 

Qriqoriy Burqandinov şübhəli şəxs qismində tutularaq istintaqa cəlb edilib.