Bakı-Sumqayıt yolunda mikroavtobus qəzaya uğradı: Xəsarət alanlar var - YENİLƏNİB - FOTO/VİDEO
Təcili Tibbi Yardım briqadasının Bakı-Sumqayıt yolunda baş verən hadisə yerinə getdiyi anların videogörüntüləri yayılıb.
Oxu.Az xəbər verir ki, görüntülər təcili tibbi yardım maşınında olan videoqeydiyyatçı vasitəsilə lentə alınıb.
Həkim briqadasının hadisə yerindən yaralıları Sumqayıt Şəhər Travmatoloji Xəstəxanasına aparmasının anbaan görüntülərini təqdim edirik:
***
Fövqəladə Hallar Nazirliyinin (FHN) "112" qaynar telefon xəttinə Sumqayıt şəhərində yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub. Məlumatla əlaqədar FHN-nin Sumqayıt Regional Mərkəzinin müvafiq xilasetmə qüvvələri çağırış üzrə cəlb olunub.
Ölkə.Az xəbər verir ki, bu barədə FHN məlumat yayıb.
Əməliyyat şəraiti qiymətləndirilərkən müəyyən olunub ki, “Ford” markalı mikroavtobus və “DAF” markalı yük avtomobili toqquşub, 2 nəfər mikroavtobusda sıxılmış vəziyyətdə qalıb.
Həyata keçirilən xilasetmə tədbirləri nəticəsində 2 nəfər müxtəlif xəsarətlərlə zədələnmiş nəqliyyat vasitəsindən çıxarılaraq aidiyyəti üzrə təhvil verilib.
***
Bakı-Quba yolunun Sumqayıt şəhəri ərazisindən keçən hissəsində ağır qəza qeydə alınıb.
Hadisə “Ford Transit” markalı mikroavtobusla propan qazı daşıyan yük maşınının iştirakı ilə baş verib.
Nəticədə doqquz nəfər müxtəlif dərəcəli bədən xəsarətləri alıb.
