Çində növbəti güclü partlayış

Yanğınsöndürənlər artıq hadisə yerindədirlər.

Çinin Şandun əyalətində kimyəvi zavodda güclü partlayış baş verib. Partlayışdan sonra müəssisənin ərazisində yanğın başlayıb. Bu barədə “People's Daily, China”nın Twitter səhifəsində məlumat verilib. 

Yanğınsöndürənlər artıq hadisə yerindədirlər.

Qeyd olunur ki, partlayış ərazisindən təqribən 1 kilometr aralıqda yaşayış tikililəri var. Xəsarət alanlar barədə məlumat yoxdur. 

“Sina”nın məlumatına əsasən, partlayış saat 20:40-da baş verib. Partlayış dalğasından yaxınlıqda olan evlərin pəncərələri sınıb. 

Hazırda yanğına nəyin səbəb olması barədə məlumat yoxdur. 

Xatırladaq ki, Çinin Tyantsin şəhərində bu yaxınlarda tez alışan məhlullar anbarında bir neçə partlayış baş verib. Hazırda 114 nəfərin ölməsi və 698 nəfərin xəsarət aldığı bildirilir. Daha 70 nəfər isə itkin düşmüş hesab edilir. (oxu.az)

Ölkə.Az