İftara dəvət etdiyi evində bir oğlunu öldürdü, digərlərini isə... - FOTO
Həbsdən çıxıb bir oğlunu öldürdü, digərini yaraladı.
"Ölkə.Az" Türkiyə mətbuatına istinadən xəbər verir ki, hadisə Qaziantepdə baş verib.
Bir neçə il əvvəl həyat yoldaşını və baldızını qətlı yetirdiyi üçün həbs olunan və bir müddət əvvəl azadlığa çıxan 65 yaşlı Mehmet Kaçan iftar yeməyinə dəvət etdiyi 1 oğlunu öldürüb, digər oğlu və nəvəsini isə ağır yaralayıb.
Məlumata görə bir müddət əvvəl həbsdən çıxan Mehmet Kaçan 3 oğlu və 2 nəvəsini bağ evinə iftar süfrəsinə dəvət edib.
İftar yeməyindən sonra oğlunu və nəvəsini desert almağa göndərən Mehmet Kaçan ilə evdə qalan oğulları 37 yaşlı Sinan Kaçan, 42 yaşlı Hüseyn Kaçan və 17 yaşlı nəvəsi H.Kaçan arasında mübahisə düşüb.
Mübahisə zamanı əsəblərini cilovlaya bilməyən ata üzərindəki silahla iki oğlunu və nəvəsini güllələyib. Silah səslərini eşidən məhəllə sakinlərinin xəbəri ilə hadisə yerinə jandarma və təcili tibbi yardım gəlib.
Müayinə zamanı Sinan Kaçanın elə hadisə yerində öldüyü məlum olub. Digər yaralılar isə xəstəxanaya çatdırılıb.
Qanlı cinayəti törətməkdə şübhəli bilinən Mehmet Kaçan jandarma tərəfindən saxlanılıb.
Araşdırma aparılır.
