Şabranda “Qazel” aşdı
Bu gün axşam saatlarında Şabran rayonunda ağır yol nəqliyyat hadisəsi baş verib.
Qəza Şabran-Pirəmsəm yolunda qeydə alınıb. “Qazel” markalı yük maşını idarəetməni itirərək aşıb. Qəza nəticəsində Şabran rayon sakinləri ata və oğul - 1963-cü il təvəllüdlü Haşımov Yusifəli Yaqub oğlu və Xəqani Haşımov müxtəlif dərəcəli bədən xəsarətləri alıb. Hər iki yaralı Şabran Mərkəzi Rayon Xəstəxanasına yerləşdirilib.
Onların vəziyyətlərinin orta ağır olduğu bildirilir.
Faktla bağlı Şabran Rayon Polis Şöbəsində araşdırmalar davam etdirilir. (APA)
Ölkə.Az
