Kərimovanın bank hesabları donduruldu

İsveçrə Ədliyyə Nazirliyi Özbəkistan prezidenti İslam Kərimovun qızı Gülnarə Kərimova ilə əlaqəli bank hesablarını dondurub. 

Nazirlik ABŞ-ın tələbi ilə Gülnarə Kərimovaya bağlı şübhəli bəzi hesabların dondurulmasına qərar verib. 

İsveçrə eyni zmanda Kərimova və adı açıqlanmayan digər 5 özbək vətəndaşı haqqında 2012-ci ilin iyul ayında başlayan istintaq işi çərçivəsində 6 nəfərin bank hesabını da dondurub. İstintaqda Özbəkistan telekommunikasiya sektorundakı külli miqdarda pulların mənimsənilməsi ilə əlaqədar olduğu qeyd edilib. 

Xatırladaq ki, Gülnarə Kərimovanın barəsində bir neçə Avropa ölkəsində, o cümlədən ABŞ-da istintaq gedir. Özbəkistan prezidentinin qızı İsveçin telekommunikasiya şirkəti "TeliaSonera"dan yüz milyonlarla dollar rüşvət almaqda şübhəli bilinir.

Gülnarə Kərimovaya məxsus bank hesablarına və mülklərə həbs qoyulub. Bir vaxtlar sosial şəbəkələrdən atasının hakimiyyətinə qarşı fəal çıxışlar edən G.Kərimova uzun müddətdir ev dustaqlığındadır və internetə giriş imkanı əlindən alındığından barəsində məlumat almaq mümkün deyil. (qafqazinfo)

Ölkə.Az